ShootInfo.com

ShootInfo.com

Հարված ուղիղ նշանակետին

Աղվես

ShootInfoShootInfo Ինֆո 24.02.2018

Նկարագիր. Աղվեսը շատ գեղեցիկ կենդանի է: Աղվեսն ունի շիկակարմիր մուշտակ, փարթամ պոչ, նեղ մռութ և շագանակագույն աչքեր: Կախված բնակության վայրից՝ աղվեսի գունավորումը հնարավոր է տարբերվի , սակայն հիմնականում մեջքի և կողքերի գույնը մնում է վառ շիկակարմիր:Սովորական աղվեսին կարելի է տարբերել պոչի ծայրի սպիտակ և ականջների՝ մուգ կամ գրեթե սև գույներով: Աղվեսի ամառային մորթին կոշտ է և կարճ: Իսկ աշնանը մոտ աճում է գեղեցիկ և խիտ ձմեռային մորթին:
Թագավորությունը. Կենդանիներ:
Ընտանիքը. Շնազգիներ:
Տիպը. Քորդավորներ:
Խումբը. Գիշատիչներ:
Ցեղը. Աղվեսներ:
Ենթատեսակը. Սովորական աղվես:
Դասը. Կաթնասուններ:
Կայնքի տևողությունը. Վայրի բնության մեջ աղվեսի կյանքի տևողությունը 2-5 տարի է:
Զանգվածը. 1.5-14 կգ:
Երկարությունը. Մարմնի երկարությունը 60-90 սմ:
                               Պոչի երկարությունը 40-60 սմ:

Տարածումը. ՀՀ բոլոր մարզերում տարածված է աղվեսի սովորական տեսակը: Աղվեսը բնակվում է ամբոջ Եվրոպայում, Ասիայում (Հնդկաստանից մինչև Հարավային Չինաստան), Հյուսիսային Ամերիկայում, Ավստրալիայում և Հյուսիսային Աֆրիկայի տարածքում:
Սնունդը. Աղվեսի սնունդն ամբողջովին կախված է տարվա եղանակից և կենդանու բնակության վայրից: Հիմնականում աղվեսի սնունդը կրծողներն են (մկներ, գետնասկյուռեր), նապաստակներն ու գետնին բնադրող թռչունները : Աղվեսը սիրում է նապաստակի միս, սական հաճախ չի կարողանում բռնել նրան : Ձմռան ընթացքում աղվեսը սնվում է մանր տնային կենդանիներով և թռչուններով, ամեն տեսակի սննդի մնացուկներով: Աղվեսը լավ որսորդ է: Նա նաև հաճույքով ուտում է խնձորներ, հատապտուղներ և որոշ բանջարեղեններ:

Արծաթասև աղվես

Բազմացումը. Գազանաբուծական տնտեսություններում բուծում են արհեստական ճանապարհով ստացված սև արծաթափայլ բարձրարժեք մորթի ունեցող աղվեսներ։ ՀՀ-ում նման տնտեսություն կա Լոռու մարզում։ Մինչև բազմացման շրջանի սկսվելը էգ աղվեսը սկսում է փնտրել գետնափոր, որում պետք է բազմանա: Աղվեսի մոտ բազմացման շրջանը սկսվում է հունվարի վերջերին: Աղվեսի ձագերը լույս աշխարհ են գալիս հղիության 51-53- րդ օրը: Նրանք ծնվում են թույլ և անօգնական, խուլ և կույր: Մարմնի զանգվածը ընդամենը 100-150գ է, սակայն նրանք մեծանում են բավական արագ: Մեկ ամիս անց նրանք կշռում են մոտ 1 կիլոգրամ:
Աղվեսի առանձնահատկությունները. Արուին և էգին կարելի է տարբերել ձայներով: Արու աղվեսը հաչում է ինչպես շունը՝ հաճախակի և շատ, իսկ էգը երեք անգամյա հաչոցն ավարտում է կարճատև ոռնոցով: Առանձնանալուց հետո զույգերը կազմակերպում են յուրօրինակ պարեր և շատ են խաղում: Աղվեսի պարն անվանում են ֆոքստրոտ («ֆոքստրոտ» անգլիական բառ է և նշանակում է «աղվեսի քայլ»), որի ժամանակ աղվեսը բարձրանում է ետևի թաթերի վրա և այդ դիրքով քայլում կարճ քայլերով:

Աղվեսի տեսակները. Բևեռաղվես (բնակվում է հյուսիսային բևեռի շրջանում, Հյուսիսային Սառուցյալ օվկիանոսի կղզիներում և ափերում), գորշ աղվես (բնակվում է Հյուսիսային և Կենտրոնական Ամերիկայում , նաև Հարավային Ամերիկայի հյուսիսում), դաշտաղվես կամ տափաստանի աղվես (բնակվում է Եվրոպայի հարավ-արևելքից մինչև Ասիա ընկած հատվածում, Հնդկաստանում, Չինաստանում, Ղրղզստանում, Պակիստանում, Իրանում, Ղազախստանում, Մոնղոլիայում, Աֆղանստանում, Կովկասում և Ուրալում), ամերիկյան աղվես (բնակվում է ԱՄՆ ի հարավ-արևմտյան անապատներում և Մեքսիկայից հյուսիս), հարավաֆրիկյան աղվես (բնակվում է Հարավային Աֆրիկայում), բենգալյան աղվես (բնակվում է Հնդկաստանում, Հիմալայի նախալեռներում, Բանգլադեշի տարածքներում և Նեպալում), ֆենեկ (հիմնականում բնակվում է Մարոկկոյում, Սինայի և Արաբական թերակղզում), աֆղանական աղվես (հիմնական բնակության վայրը Իրանի արևելքն է , Աֆղանստանը և Հինդուստանը, ավելի քիչ հանդիպում է Եգիպտոսում, Պակիստանում), ամերիկյան դաշտաղվես (բնակվում է դաշտավայրերում , կիսաանապատներում և չունի մշտական կապվածություն որևէ տարածքի հետ), ավազային աղվես (բնակվում է Սահարայի անապատում, Մարոկկոյում, Եգիպտոսում, Սոմալիում ), աֆրիկյան աղվես (հանդիպում է աֆրիկյան պետություններում), տիբեթյան աղվես (հանդիպում է տիբեթյան բարձրավանդակում, քիչ է հանդիպում հյուսիսային Հնդկաստանում, Նեպալում և Չինաստանում), մայկոնգ կամ սավանյան աղվես, ծովախեցգետնաղվես (բնակվում է միայն Հարավային Ամերիկայում), լայնականջ աղվես (բնակվում է Եթովպիայում, Սուդանում, Տանզանիայում, Անգոլայում, Զամբիայում):

Հարավաֆրիկյան աղվես

Աղվեսի վարքը. Աղվեսն ունի հիանալի տեսողական հիշողություն, սուր լսողություն և լավ հոտառություն: Նա հնարամիտ է և ուշադիր: Աղվեսը շատ ակտիվ է: Հարյուր մետր հեռավորության վրա աղվեսը լսում է մկան ծվծվոցը: Լավ լողում է և մագլցում թեք լանջերի վրա: Վտանգից փախչելիս աղվեսը հիացնում է իր հնարամտությամբ: Եթե ծառի ճյուղերը բարձր չէ գետնից, աղվեսը կարող է շատ հեշտությամբ բարձրանալ նրա վրա: Նա հաճախակի զննում է իր որսի տարածքը:

Աղվեսի որսը. Աղվեսի որսը գետնափոր բներին վարժեցված շներով – Աղվես որսալու համար կիրառում են տարբեր գետնափոր բներին վարժեցված ցեղատեսակների շներ: Գետնափոր բներին վարժեցված շներով որս անելու համար որսորդը պետք է լինի զգույշ և ուշադիր:
Աղվեսի որսը մոտեցումով – Մառախլապատ և քամոտ եղանակին այսպիսի որսը տալիս է լավ արդյունք: Կենադանին անուշադիր է նման պայմաններում: Այս որսի ժամանակ հնարավոր է օգտագործել և երկփողանի հրացան , և կիսաավտոմատ: Ցանկալի է ունենալ 12 տրամաչափի հրացան:
Աղվեսի որսն ակոսափող զենքով- Քանի որ աղվեսը բավականին ուշադիր կենդանի է, միանգամայն հստակ պահանջներ է ներկայացվում հրացանին և օգտագործվող ռազմամթերքին: Նրանք պետք է ունենան այնպիսի բնութագրեր, որը թույլ կտա խոցել թիրախը 200-300մ հեռավորությունից 700սմ² մակերես ունեցող տարածքում:
Աղվեսի որսը խայծի միջոցով – Յուրաքանչյուր աղվես ունի առանձնահատուկ վարք և որսահանդերում խայծերին (охота с приводом) մոտենալու առանձնահատուկ ժամանակացույց: Այսպիսի որսը պահանջում է հսկողություն : Որսի հաջողությունը կախված է առաջին կրակոցից:
Որսորդության արդյունավետության ամենագլխավոր գործոններից է հարմար հագուստը, որը պահպանում է մարմնի ջերմությունը և չի սահմանափակում շարժումները: Աղվեսին որսում են առավոտյան և երեկոյան ժամերին. այդ ընթացքում կենդանին դուրս է գալիս որսի, իսկ կեսօրին նստում իր բնում:

Թեգեր չկան

  

Վերջիները Ինֆո-ում