ShootInfo.com

ShootInfo.com

Հարված ուղիղ նշանակետին

Խաչադեղի հետ անվտանգ վարվեցողության կանոնները

ShootInfoShootInfo Ինֆո 11.11.2018

  1. Խաչադեղը համարվում է լիցքավորված, եթե լարված է նրա աղեղնալարը. այդ պահից սկսած այն կարելի է ուղղել միայն գետնին կամ թիրախին:
  2. Կրակելուց առաջ ստուգի´ր մասերն ու մեխանիզմները:
  3. Կրակելուց առաջ համոզվի´ր, որ խաչադեղի որևէ մասի խանգարող արտաքին ոչինչ չկա:
  4. Ոչ մի պարագայում մատդ մի´ դիր ձգանի վրա, եթե նույնիսկ խաչադեղը լիցքավորված չէ. մատը պետք է դրվի ձգանին միայն նշանառությունից հետո:
  5. Ոչ մի պարագայում առանց նետի լիցքավորման մի´ կրակիր:
  6. Օգտագործի´ր ճիշտ ընտրված նետեր, հակառակ պարագայում այն կարող է հավասարվել դատարկ կրակոցի:
  7. Կրակելուց առաջ ստուգի´ր յուրաքանչյուր նետի վիճակը. եթե վնասված է հետնամասը կամ ամբողջ իրանը, ապա դրանով մի´ կրակիր:
  8. Մի´ օգտագործիր նետի փոխարեն ծառի ճյուղ. այն կարող է հանգեցնել լուրջ վնասվածքների:
  9. Սպորտային կամ զվարճանքի համար նախատեսված հրաձգությունը նախընտրելի է իրականացնել հատուկ կահավորված և սահմանազատված տարածքներում, մեկ կրակագծից:
  10. Երբեք մի´ կրակիր, եթե կրակագծում կամ թիրախի շրջակայքում մարդ է գտնվում:
  11. Նետը տեղադրիր խաչադեղի վրա միայն այն դեպքում, երբ կրակագիծն ազատ է:
  12. Երբեք ուղիղ վերև մի´ կրակիր:
  13. Մի´ կրակիր այնպիսի թիրախի, եթե այն, ըստ քեզ, չի կարող կանգնեցնել նետի ընթացքը:
  14. Լիցքավորված խաչադեղն ուղղիր միայն դեպի կրակագիծ և թիրախի ուղղությամբ:
  15. Ոչ մի պարագայում մի´ բռնիր աղեղնալարից:
  16. Օպտիկական նշանոց ունեցող խաչադեղից կրակելիս հոնքով ակնապակուն մի´ դիպչիր. զենքն ունի հետհրում և կրակոցի ժամանակ հնարավոր է վնասվածք ստանաք:
  17. Մարտական վիճակի բերված խաչադեղով հրաձիգին արգելվում է խոսել կամ թեքվել այլ կողմ:
  18. Արգելվում է շեղել հրաձիգի ուշադրությունը կամ դիպչել թիրախը նշանառության տակ պահող հրաձիգին:
  19. Մի′ տեղաշարժվիր լիցքավորված խաչադեղով:
  20. Մի´ փոխանցիր կամ վերցրու լիցքավորված խաչադեղ:
  21. Տեղաշարժվելիս լիցքաթափի´ր խաչադեղը:
  22. Մշտապես հսկողության տակ պահիր կրակագիծը:
  23. Խմբային հրաձգության ժամանակ արգելիր մասնակիցներին անցնել կրակագիծը կամ հանդիսատեսին գտնվել հավասարապես կողքիդ. հանդիսատեսը պետք է գտնվի հրաձիգից ոչ քիչ, քան 2 մետր:
  24. Մի´ թող զենքդ առանց հսկողության:
  25. Մի´ դիպչիր այլ զենքի, եթե չունես նրա տիրոջ թույլտվությունը:
  26. Մի´ դիպչիր խաչադեղին, եթե կրակագծում մարդիկ են գտնվում:
  27. Արգելվում է քանդել լիցքավորված խաչադեղը:
  28. Արգելվում է երեխաներին կրակել կամ դիպչել խաչադեղին` առանց մեծահասակների հսկողության:
  29. Բաց տարածքներում կրակելու դեպքում մի´ ուղղիր լիքավորված խաչադեղը թիրախի վերևի սահմանագծից բարձր:
  30. Մի′ թողիր խաչադեղը երկար ժամանակ լիցքավորված վիճակում:
  31. Խորհուրդ է տրվում հրաձգության ժամանակ օգտագործել պաշտպանիչ ակնոցներ:

Թեգեր չկան

  

Solid US

Վերջիները Ինֆո-ում