ShootInfo.com

ShootInfo.com

Հարված ուղիղ նշանակետին

Shootinfo.com պորտալն օժանդակեց քայլարշավին

ShootInfoShootInfo Ինֆո 12.09.2017

ԳԵՂԱՐՈՏԻ ՋՐՎԵԺ

  Shootinfo.com պորտալը, մշտապես կարևորելով մարդու և բնության ներդաշնակությունը, օժանդակեց «Ռոբինզոն» գոյատևման և արշավային տուրիզմի խմբակին ս.թ. սեպտեմբերի 9-10 կայացած դեպի «Քարի լիճ – Արագած լեռան հարավային գագաթ – Գեղարոտի ջրվեժ – Արագած գյուղ» երթուղով քայլարշավի կազմակերպիչներին: Քայլարշավին մասնակցած երիտասարդները մեկ անգամ ևս առիթ ունեցան մոտիկից շփվելու և ճանաչելու բնությունը, զգալու նրա ուժը:
   Քայլարշավը սկսվեց բարձր լեռնային Քարի լճից, որը գտնվում է ծովի մակերևույթից 3200 մետր բարձրության վրա: Իրականացվեց վերելք Արագած լեռան Հարավային գագաթ (3878,8 մ), այնուհետև՝ իջնելով հրաբխային խառնարան, այնտեղ ծավալվեց վրանային ճամբարը: Հսկայական խառնարան-կրկեսն ունի 350 մետր խորություն և 3 կմ լայնություն, որը հարավարևելյան կողի էրոզիոն բացվածքով կապվում է շրջապատին: Հաջորդ առավոտյան, հավաքելով ողջ ճամբարը և գույքը, հենց այդ բացվածքով, այնուհետև թեք և վտանգավոր զառիթափերով և քարակուտակումներով արշավականները շարժվեցին դեպի Գեղարոտ գետի V-աձև լայնական կտրվածքով հովիտ և Գեղարոտի ջրվեժ (բարձրությունը 15 մետր): Որից հետո նրանք ջրվեժից շարժվեցին 28 կմ՝ դեպի Արագած (Ղազնաֆար) գյուղ, որտեղ և ավարտվեց «Քարի լիճ-Արագած լեռան Հարավային գագաթ-Գեղարոտի ջրվեժ-Արագած գյուղ» արշավը: 

 

 

Թեգեր չկան

  

Վերջիները Ինֆո-ում