ShootInfo.com

ShootInfo.com

Hit the target

Reply To: Ատրճանակ

#7132
ExpertF
ExpertF
Participant

Բարև ֆորումի հարգելի մասնակիցներ: Նախ շնորհակալություն Աբո-ին նմանատիպ հետաքրքիր հարց բարձրացնելու համար: Մի փոքր նախաբան. անկեղծ ասած նախատեսում էի մոտակա ժամանակներում նմանատիպ մի թեմայով բլոգ պատրաստեի, սակայն ինչպես ասում է ժողովուրդը՝ ուրբաթը շաբաթից շուտ եկավ: Ավաղ, ՀՀ ներկրվող և խանութներում վաճառվող գազային զենքերի տեսականին այդքան էլ հարուստ չէ, որն էլ իր հերթին ստեղծում է դժվարություններ ընտրության  հարցում: Հարգելի Աբո զենքի ընտրության հարցում, ըստ իս, ոչ ոք միանշանակ խորհուրդ տալ չի կարող, քանի որ խորհրդատուն, որպես կանոն, դիմացինին խորհուրդ տալիս առաջնորդվում է իր նախասիրությաններով…Այսպիսով եզրափակելով նախաբանը՝ անցնենք բուն հարցի քննարկմանը: Զենքի ընտրության հարցում նախապատվությունը տվեք այնպիսի մոդելների, որոնք գրեթե չեն տարբերվում իրենց մարտական անալոգներից ոչ միայն իրենց արտաքին տեսքով, այլ նաև նրանց մասերն ու մեխանիզմները նույնն են իրենց որակական հատկանիշներով: Դրանցից մեկն էլ մեզ քաջ ծանոթ Մակարովի ատրճանակի գազային տարբերակն է՝ ԻԺ 79-8-ն է,որը չի վախենում հարվածներից, ջրից, ցեխից, ինչպես նաև ունի անխափան զարկանա-ձգանային մեխանիզմ: Կարելի է ասել, որ հենց այս գործոններով էլ պայմանավորված է նրա արժեքը, որը կարող է հասնել մինչև 500.000 ՀՀ դրամի: Կարելի է ասել, որ այս մոդելն իր արժեքով գերազանցում է հայկական շուկայում առկա բոլոր այլ մոդելի գազային ատրճանակների արժեքներին: Շուկայում տարածված հիմնական մոդելներից կառանձնացնեմ առավել տարածվածները՝ Walter, Atmaca, Colt: Այս տեսակի ատրճանակների գները տատանվում են 120.000-300000 դրամի սահմաններում: Վերը թվարկվածներից ես կնախընտրեի Atmaca-ն մոտ 120.000 դրամ արժեքով: Չմոռանամ նշել նաև, որ ԻԺ-79-8, Atmaca և Walter PP մոդելների ատրճանակները համեմատ մնացած պահունակային և շուկայում առկա սակավ թմբուկավոր մոդելներից  իրենց չափսերով առավել հարմար են կրելու համար: Հուսամ՝ այս խորհուրդները կօգնեն Ձեզ առավել ճիշտ որոշում կայացնելու և արդյունավետ գնում կատարելու հարցում:

  • This reply was modified 7 months, 3 weeks ago by ExpertF ExpertF.
  • This reply was modified 7 months ago by ShootInfo ShootInfo.